Þrír voru stungnir á veitingastað í miðbæ Joensuu í Finnlandi í nótt. Að sögn lögreglunnar eru þeir allir alvarlega slasaðir. Ekki er vitað af hverju mennirnir voru stungnir. Fjölmennt lögreglulið leitar nú árásarmannanna en þeir voru tveir.
Lögreglan hefur sent frá sér lýsingu á mönnunum og klæðnaði þeirra og biður fólk að hafa strax samband við lögregluna ef það hefur einhverjar upplýsingar um hverjir mennirnir eru eða hvar þeir halda sig.