Gull hefur í gegnum söguna verið eftirsótt og dýrt. En gull er eins og margt annað takmörkuð auðlind og nú fara óunnar gullbirgðir í jörðu þverrandi og á einhverjum tímapunkti klárast þær. Þá er okkur ákveðinn vandi á höndum því við höfum ekkert sem getur komið í staðinn fyrir gull.

Námufyrirtæki eru hætt að finna nýjar stórar gullæðar og geta því ekki flutt vinnslu sína þangað þegar gullið klárast úr núverandi námum. Gulliðnaðurinn í Suður-Afríku stendur á gömlu grunni en hann er 140 ára. Nú stendur hann frammi fyrir miklum vanda. 75 prósent af gullnámunum í landinu skila neikvæðri afkomu eða aðeins sáralítilli jákvæðri afkomu.

Í samtali við Financial Post sagði Ian Telfer, stjórnarformaður Goldcorp námufélagsins, að hann teldi að nú væri hámarkinu náð í gullvinnslu og héðan í frá muni leiðin liggja niður á við.