Í febrúar var síðasti þáttur sjónvarpsþáttaraðarinnar Brúin sýndur í sjónvarpi og lauk þar með sigurgöngu þessarar mögnuðu spennuþáttaraðar. Ógleymanlegur leikur Sofia Helin í þáttunum mun væntanlega sitja lengi í minni margra en túlkun hennar á lögreglukonunni Sögu Norén var stórkostleg.

Nú má kannski segja að endahnútur hafi verið rekinn á Brúna því nýlega var Porsche bifreiðin, sem Saga ók í þáttunum, seld á uppboði. Bifreiðin var stór hluti af persónu Sögu en einnig stór hluti af sænskri og danskri sjónvarpssögu.

Bifreiðin var seld fyrir 1,6 milljónir sænskra króna en það svarar til um 19 milljóna íslenskra króna. Söluverðið rennur allt til samtakanna WaterAid sem vinna að því að bæta aðgengi fólks í fátækustu ríkjum heims að hreinu vatni, salernum og almennu hreinlæti.

Í fréttatilkynningu er haft eftir Sofa Helin að það sé frábært að bílinn hafi komið að svo miklum notum eftir að Brúin endaði göngu sína.