Skömmu fyrir klukkan eitt í nótt mældist hraði bifreiðar, sem var ekið eftir Reykjanesbraut við Smáralind, 160 km/klst en leyfður hámarkshraði er 80 km/klst. Ökumaðurinn reyndist vera 17 ára og því nýliði í umferðinni. Hann var sviptur ökuréttindum til bráðabirgða.
17 ára farþegi var í bifreiðinni og var hann sóttur af foreldri sínu á lögreglustöð. Málið var unnið með aðkomu foreldra piltanna og verður barnaverndaryfirvöldum tilkynnt um það.