CNN hefur eftir honum að hann hafi keypt bæinn vegna sögu hans, hann sé áhugaverður hluti af sögu Bandaríkjanna og margir hafi orðið fyrir áhrifum frá honum.
Bærinn var upphaflega auglýstur til sölu á 925.000 dollara en 12 kaupendur voru um hitunina og því þurfti Underwood að greiða 1,4 milljónir fyrir bæinn.
Bærinn er við rætur Cerro Gordo fjallsins í Dauðadalnum og fylgir honum 300 hektara land en það svarar til um 160 knattspyrnuvalla.
Mortimer Belshaw hóf silfurvinnslu í bænum 1868 og gekk hún vel og ríkti velmegun í bænum næsta áratuginn en síðan lækkaði verð á silfri og þá lá leiðin niður á við. Auk þess varð mikill eldsvoði í bænum á níunda áratug nítjándu aldar og jafnaði bærinn sig aldrei almennilega á því.
Þegar kom fram á 1920 voru aðeins 10 starfsmenn við námuvinnslu í bænum og skömmu síðar var henni hætt. Þegar bærinn var upp á sitt besta var að jafnaði eitt morð framið þar í viku.
Frá því á þriðja áratug síðustu aldar hefur bærinn verið safn en nú ætlar Underwood að breyta bænum og gera fólki kleift að búa þar í langan tíma. Þar eiga að vera tónleikar, leiksýningar, veitingastaðir og vinnustofur listamanna.