New York Times skýrir frá þessu. Paddy hafði komið á eina bar bæjarins, Pink Panther, kvöldið sem hann hvarf. Hann fékk sér bjór og yfirgaf staðinn og síðan hefur ekkert til hans spurst. Það er eins og jörðin hafi gleypt hann. Hann skyldi kúrekahattinn sinn eftir ofan á frystikistunni heima hjá sér og kjúkling í örbylgjuofninum.
Lögreglan hóf rannsókn á hvarfinu fjórum dögum eftir að Paddy hvarf. Lögreglan segir að hvarf hans sé „dularfullt“ og rannsakar málið sem morðmál. Allir íbúar þorpsins hafa verið yfirheyrðir. Þeir þvertaka allir fyrir að vita nokkuð um málið en gruna hina íbúana um að vita eitthvað um málið. Hundur Paddy hvarf líka.
Þetta er ekki eina dularfulla mannshvarfið á þessum slóðum. Þorpið stendur við Stuart þjóðveginn sem er orðlagður fyrir dularfull mál. Fyrir 17 árum hvarf breskur ferðamaður þegar hann var á ferð eftir veginum. Hann hefur aldrei fundist en samt sem áður var maður dæmdur í lífstíðarfangelsi fyrir að hafa myrt hann.
En hvarf Paddy er mikil ráðgáta og lögreglan hefur ekki komist neitt áleiðis við rannsókn málsins og því hætt við að óeining muni setja svip sinn á þorpslífið áfram.