Brú yfir hraðbraut í Genúa á Ítalíu hrundi af óþekktum ástæðum fyrr í dag. Innanríkisráðherra Ítalíu hefur staðfest að 22 hafi látist en sú tala gæti enn hækkað. Ítalska fréttastofan RAI segir að 7 hafi verið bjargað úr rústunum á lífi.
Íbúðarbyggð er við brúna en hún virðist ekki hafa lent á íbúðabyggðinni en á myndum sést að hún lenti á iðnaðarbyggingu. Stærsti hluti brúarinnar liggur á hraðbrautinni.