Kona um fimmtugt var handtekin í gærkvöldi á Nøtterøy í Vestfold en hún er grunuð um að hafa stungið dóttur sína og móður. Dóttirin er alvarlega slösuð en móðirin er minna slösuð.

Lögreglan fékk tilkynningu um málið rétt fyrir klukkan 22 og fylgdi sögunni að 18 ára stúlka hefði verið stungin af móður sinni og hefði leitað skjóls hjá nágranna sínum. Þegar lögreglumenn komu heim til konunnar var móðir hennar, sem er á áttræðisaldri, í húsinu. Hún hafði einnig verið stungin.

Sú handtekna var lögð inn á sjúkrahús en læknar munu leggja mat á andlegt ástand hennar. Hún hefur ekki enn verið yfirheyrð.