17 ára piltur var stunginn til bana við skóla í Uppsölum í Svíþjóð um klukkan 21.30 í gærkvöldi. Lögreglunni var tilkynnt um hávaða og læti við skóla Kvarngärdet. Á vettvangi fundu lögreglumenn 17 ára pilt og var hann illa særður. Hann var strax fluttur á sjúkrahús en lést skömmu eftir komuna þangað.
Aftonbladet hefur eftir talsmanni lögreglunnar að pilturinn hafi verið stunginn í bringuna. Stórt svæði við skólann var girt af og lögreglan hefur unnið að vettvangsrannsókn í alla nótt. Nú undir morgun voru tveir menn um tvítugt handteknir vegna málsins.