Ortiz, sem er 35 ára, gegndi stöðu yfirmanns hjá landamæraeftirlitinu í Texas. Hann var handtekinn aðfaranótt sunnudags á bílastæði í Laredo í Texas eftir leit lögreglunnar en hann hafði flúið frá lögreglunni daginn áður. Hann er grunaður um að hafa myrt fjórar vændiskonur frá því í byrjun mánaðarins.
Kona, sem væntanlega átti að verða fimmta fórnarlamb hans, náði að flýja frá honum á bensínstöð og gera lögreglumanni, sem þar var staddur, viðvart.
Saksóknari í Webb sýslu, Isidro Alaniz, sagði að embættið telji Ortiz vera raðmorðingja. Hann sagði að fimmta konan hafi fljótlega áttað sig á að hætta var á ferðum eftir að Ortiz tók hana upp í bíl sinn og hafi því flúið frá honum. Alaniz sagði að ekki væri talið að Ortiz hafi átt samverkamenn og ekki sé vitað hvað býr að baki morðunum.
Tvær hinna myrtu voru bandarískir ríkisborgarar en ekki er vitað um þjóðerni hinna tveggja. Allar störfðu þær sem vændiskonur. Ein þeirra var trans kona að hans sögn. Lík þeirra fundust fyrr í mánuðinum við Interstate 35 þjóðveginn í norðvesturhluta Webb sýslu.