Það var árið 1891 sem ein mest notaða uppfinning allra tíma kom fram á sjónarsviðið. Klósettpappír en hann hefur komið mörgum að góðum notum í gegnum tíðina. En allt frá upphafi hefur fólk deilt um hvernig pappírinn á að snúa þegar búið er að setja rúlluna á þar til gert statíf á veggnum. Engar leiðbeiningar fylgja með og því hefur þetta verið mikið álitamál í yfir 100 ár.
Spurningin er hvort klósettpappírinn á að snúa þannig að hann lafi niður meðfram veggnum eða hvort sú hlið pappírsins eigi að vera fjær veggnum? Twitter notandinn Owen Wiliams fann svarið við þessari stóru gátu, að eigin sögn að minnsta kosti. Hann kvaðst hafa fundið upprunalegu teikningar hugvitsmannsins Seth Wheeler, sem fann klósettpappírinn upp, af tækniundrinu mikla og umsókn Wheelers um einkaleyfi.
Samkvæmt því sem Williams segir þá klósettpappírinn að vera fjær veggnum og að nú eigi fólk að geta hætt að rífast um þetta stóra og mikilvæga mál.