Myndir og myndbönd, sem farþegar tóku, sýna að súrefnisgrímur féllu niður og að farþegar settu þær á sig. 166 farþegar voru um borð í vélinni sem er Boeing 737 sem er í eigu Jet Airways. Flugmennirnir lentu vélinni eftir nokkrar mínútur þegar þeir áttuðu sig á hvað hafði gerst.
Flugmálayfirvöld segja að flugmennirnir hafi verið leystir frá störfum á meðan á rannsókn málsins stendur.
Jet Airways komst einnig í fréttirnar í janúar þegar tveir flugmenn voru leystir frá störfum eftir að þeir höfðu lent í slagsmálum í flugstjórnarklefanum á leið frá Lundúnum til Mumbai en þá voru 324 farþegar um borð.