Fyrsta plánetan, sem TESS fann, er á braut um gulu dvergstjörnuna Pi Mensae, sem er líka nefnd hinu þjálfa nafni HD 39091, og er hún um tvisvar sinnum stærri en jörðin. Plánetan nefnist Pi Mensae c er svokölluð ofur-jörð en massi hennar er næstum fimm sinnum meiri en massi jarðarinnar. Ofur-jörð er notað yfir þungar og stórar plánetur úr grjóti.
Pi Mensae c er á braut mjög nærri stjörnu sinni og er aðeins 6,3 daga að fara einn hring um hana. Hún er 50 sinnum nær stjörnu sinni en braut Merkúr frá sólinni.
Á vef Space.com er haft eftir Chelsea Huang, sem hefur unnið að yfirferð gagna frá TESS, að plánetan sé að gufa upp. Hún samanstendur að mestu af vatni en þó er þar líklegast grjótkjarni og andrúmsloft úr vetni og helíum. Vísindamenn telja að hún sé að gufa upp vegna geislunarinnar sem hún verður fyrir frá stjörnunni.