Skömmu eftir miðnætti var þrítugur maður skotinn á Glostrup Torv í Kaupmannahöfn. Sjónvarvottur segir að maður hafi komið hlaupandi með byssu á lofti og skotið á manninn. Síðan hljóp árásarmaðurinn á brott.

Fórnarlambið fékk skot í lærið og er ekki í lífshættu. Árásarmaðurinn hvarf á brott í silfurgráum bíl en svo vill til að brunninn silfurgrár bíll fannst síðar á norðanverðu Sjálandi og hefur Ekstra Bladet eftir talsmanni lögreglunnar að það sé freistandi að halda að þar sé um sama bílinn að ræða.

Líklegt má teljast að skotárásin tengist yfirstandandi átökum glæpagengja í Kaupmannahöfn en þetta var þriðja kvöldið í röð sem skotárás var gerð í borginni.