Því hefur verið varpað fram að ástæðan fyrir þessu dularfulla ljósi geti verið að ryk, sem er á disklaga hring umhverfis stjörnuna, síi úr ljós á ákveðnum bylgjulengdum og því myndist þetta dularfulla ljós. Önnur kenning er að orkumikill vindur komi frá stjörnunni og rekist á gas í geimnum þegar stjarnan geysist um geiminn.
Vísindamenn hjá Pennsylvania State háskólanum og Sabanci og Arizona háskólunum telja að þessi uppgötvun geti orðið til að hjálpa stjörnufræðingum við að komast að leyndardómunum á bak við þróun nifteindastjarna.
Nifteindastjörnur eru mjög þéttar og verða til eftir að risastórar stjörnur springa. Þær eru einnig þekktar sem tifstjörnur vegna mikils snúningshraða þeirra en þær snúast yfirleitt um sjálfar sig á sekúndubroti. Þessi stjarna er þó 11 sekúndur að snúast einn hring.