Óhætt er að segja að miðborg Reykjavíkur hafi tekið þónokkrum stakkaskiptum frá því um miðbik níunda áratugarins en hin franski Comte Serge tók þessar einstöku ljósmyndir sumarið 1987 og gaf Pressunni leyfi til að birta. Má þar sjá ýmis kennileiti sem eru horfin af sjónarsviðinu í dag.

Var Serge á þessum tíma staddur í fríi hérlendis eftir að hafa hætt í námi í Frakklandi. „Upprunalega ætlaði ég nú bara að vera hérna í einn mánuð en þeir urðu síðan fimm. Landið heillaði mig og ég uppgötvaði heim þar sem mælikvarði mannsins víkur fyrir náttúrunni. Hún er hvorki mikil né smá heldur akkúrat, líka inni í borginni.“ Hann bætir við að eftir að hann fann ástina hér á landi þá hafi ekki verið aftur snúið. „Ég kom fljótt aftur. Og er hér enn.“