Theresa May, forsætisráðherra Bretlands, sagði að það væri ekki í hag Bretlands að kjósa aftur um Brexit eftir að samningaviðræðum við Evrópusambandinu ljúki. Sagðist hún vera að vinna hörðum höndum að gera góðan samning við Evrópusambandið Þetta sagði hún við blaðamenn í dag í höfuðstöðvum Sameinuðu þjóðanna, en hún er stödd þar ásamt mörgum öðrum þjóðarleiðtogum.
Hefur Theresa May verið gagnrýnd harðlega, bæði af breskum stjórnmálamönnum ásamt þingmönnum Evrópusambandsins, fyrir að gefa ekki skýrari svör um hvernig hún ætlar sér að ná samningum við Evrópusambandið vegna útgöngu Bretlands úr sambandinu. Er hún einnig undir miklum þrýstingi innan íhaldsflokksins sjálfs og segja margir stjórnmálafræðingar í Bretlandi að ókyrrð innan flokksins vegna Brexit málsins gæti kostað hana formannssætið í flokknum.
