Ef þú sérð T á myndinni þá ert þú hugsanlega með sérstakan hæfileika. En áður en þú ferð að skoða myndina í leit að T er ein regla sem þarf að hafa í huga ef þetta á að vera marktækt. Hér birtum við aftur þessa gömlu og góðu gátu.
Það sem þarf að gera er að líta framhjá öllum rauðum hlutum á myndinni sem þýðir þá að ekki er verið að leita að rauðri útgáfu af T. Vísindamenn við Johns Hopkins háskólann í Bandaríkjunum segja að þeir sem ná að horfa framhjá ónauðsynlegum upplýsingum þegar þeir leita að einhverju verði betri í störfum sínum.
Þeir bjuggu einmitt til myndina sem fylgir þessari frétt en hún hefur valdið því að margir notendur samfélagsmiðla hafa klórað sér í höfðinu við að reyna að leysa gátuna en öðrum finnst það mjög auðvelt. Vísindamennirnir segja að lykillinn að því að ganga vel við að leysa svona gátu sé að búa yfir hæfileika til að hunsa ákveðnar upplýsingar, það auki skilvirkni fólks.
Ef þér gengur illa að finna T á myndinni þarftu ekki að örvænta. Niðurstöður rannsóknar vísindamannanna sýna að það er hægt að þjálfa sig í að horfa framhjá ónauðsynlegum hlutum eða upplýsingum og þar með verða betri í að finna það mikilvæga.