Umfangsmikil lögregluaðgerð stendur nú yfir á Sjáland og Lálandi og Falstri í Danmörku þar sem lögreglan leitar að strokufanga. Í morgun ruddust menn inn á sjúkrahúsið í Nykøbing Falster og ógnuðu fólki með skammbyssu. Þeir höfðu á brott með sér 32 ára fanga sem var til meðferðar á sjúkrahúsinu.

Lögreglan hefur birt mynd af fanganum og hvetur fólk til að koma ekki nærri honum heldur hafa strax samband við lögregluna ef það sér hann.

Mennirnir flúðu á brott í grárri Mercedez bifreið sem fannst skömmu síðar nærri Farø. Lögreglan hefur lokað vegum á svæðinu og fjöldi lögreglumanna leitar fangans og þeirra sem frelsuðu hann.