Einn var skotinn í Kaupmannahöfn í gærkvöldi. Árásin átti sér stað nærri Skaffervej og Rentemestervej. Lögreglan segir að árásin tengist yfirstandandi átökum glæpagengja í borginni en í tengslum við þau hafa á annan tug skotárása verið gerðar á liðnum dögum.

Ekstra Bladet segir að lögreglan hafi fundið mörg skothylki á vettvangi og benti flest til að tvö skotvopn hafi verið notuð við árásina. Skot lentu í svörtum fólksbíl en ekki er vitað hvort hann tengist fórnarlambinu.

Lögreglan hefur ekki viljað segja neitt um alvarleika meiðsla þess sem var skotinn en segir að skýrt verði nánar frá þeim í dag.