Ebólufaraldur geisar nú í Lýðstjórnarlýðveldinu Kongó en 97 hafa látist af völdum veirunnar á undanförnum vikum. Peter Salama, yfirmaður neyðarviðbragðsteymis Alþjóðheilbrigðismálastofnunarinnar WHO, óttast að veiran eigi eftir að breiðast enn frekar út og valda enn frekara manntjóni. Hann segir að aðstæður í landinu skapi fullkomnar aðstæður fyrir enn verri faraldur.

Uppreisnarmenn hafa staðið fyrir árásum í Kivu-héraðinu, þar sem faraldurinn geisar, á undanförnum vikum og hefur árásunum fjölgað á undanförnum vikum. Hjálparstarfsmenn hafa því neyðst til að yfirgefa bæinn Beni þar sem faraldurinn braust út.

Auk ofbeldisaðgerða uppreisnarmanna er mikill órói í landinu vegna yfirvofandi kosninga. Ótti og ranghugmyndir um veiruna er óspart notaður af stjórnmálamönnum í baráttunni. Þetta veldur því að almenningur missir trú á heilbrigðisstarfsfólki að sögn Salama sem segir ástandið í landinu vera mjög alvarlegt.