fbpx
Þriðjudagur 22.janúar 2019
Pressan

Bæta stöðu kvenna í Sádi-Arabíu – Nú verða þær að fá tilkynningu um skilnað í sms

Kristján Kristjánsson
Miðvikudaginn 9. janúar 2019 08:10

Konur í Sádi-Arabíu njóta ekki mikilla réttinda.

Í framtíðinni munu konur í Sádi-Arabíu fá sms frá dómstólum landsins þegar eiginmenn þeirra skilja við þær. Þessi nýjung er tekin upp til að binda enda á að karlar skilji við eiginkonur sínar án þess að láta þær vita.

BBC skýrir frá þessu. Dómstólarnir byrjuðu að vinna eftir þessari reglu á sunnudaginn og segir CNN að dómsmálaráðherra landsins segi að þetta sé skref í átt að bættum réttindum kvenna. Í skilaboðunum kemur fram númerið á skilnaðarpappírunum og nafn dómstólsins þar sem konurnar geta sótt skjöl varðandi skilnaðinn. En eins og áður hafa þær ekkert um málið að segja.

Þá hafa yfirvöld opnað fyrir þann möguleika á netinu að konur geta kannað á heimasíðu dómsmálaráðuneytisins hvort þær séu enn giftar.

Í mörgum Arabaríkjum tíðkast að karlar geta skilið við eiginkonur sínar þegar þeim dettur í hug og jafnvel án þess að láta þær vita segir Suad Abu-Dayyeh hjá mannréttindasamtökunum Equal Rights.

„Í það minnsta vita konurnar að þær eru orðnar fráskildar eða ekki. Þetta er lítið skref en samt skref í rétta átt.“

Sagði hún.

En þessi breyting felur ekki í sér að konurnar eigi rétt á að fá framfærslueyri frá fyrrum eiginmönnum sínum eða að þær fá forræði yfir börnum sínum.

Þessi nýjung er hluti af félags- og efnahagslegum umbótum ríkisstjórnar Sádi-Arabíu sem ganga undir heitinu Vision 2030 en samkvæmt þessari áætlun hafa konur nú fengið heimild til að taka bílpróf og þar með aka bílum.

En það er enn margt sem konur í Sádi-Arabíu mega ekki gera án þess að fá leyfi karlkyns „forráðamanna“ þeirra en það eru yfirleitt eiginmenn, feður, bræður eða synir. Þær geta til dæmis ekki sótt um vegabréf, farið til útlanda, gengið í hjónaband, opnað bankareikning, stofnað fyrirtæki eða yfirgefið fangelsi án þess að fá til þess heimild „forráðamanns“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

790 milljónum netfanga og lykilorða lekið á netið – Svona getur þú séð hvort þitt netfang er þar á meðal

790 milljónum netfanga og lykilorða lekið á netið – Svona getur þú séð hvort þitt netfang er þar á meðal
Pressan
Fyrir 2 dögum

Hin fullkomna tía – 60 milljónir áhorfa á 10 dögum

Hin fullkomna tía – 60 milljónir áhorfa á 10 dögum
Pressan
Fyrir 2 dögum

Þrjú grunsamleg dauðsföll á einum mánuði – „Áhyggjuefni og hræðilegt“

Þrjú grunsamleg dauðsföll á einum mánuði – „Áhyggjuefni og hræðilegt“
Pressan
Fyrir 2 dögum

Ótrúleg sjón blasti við 16 ára stúlku þegar hún kafaði í sjónum – Sjáðu myndbandið

Ótrúleg sjón blasti við 16 ára stúlku þegar hún kafaði í sjónum – Sjáðu myndbandið
Pressan
Fyrir 3 dögum

Tóku til sinna ráða þegar þeir komust að skuggalegu leyndarmáli nágranna síns

Tóku til sinna ráða þegar þeir komust að skuggalegu leyndarmáli nágranna síns
Pressan
Fyrir 4 dögum

Skýr skilaboð frá NASA – „Þessu myndum við aldrei halda leyndu“

Skýr skilaboð frá NASA – „Þessu myndum við aldrei halda leyndu“