fbpx
Þriðjudagur 22.janúar 2019
Pressan

Krefjast þingkosninga eða nýrrar atkvæðagreiðslu um Brexit

Kristján Kristjánsson
Föstudaginn 11. janúar 2019 08:36

Therese May, forsætisráðherra Bretlands, reynir nú að komast ósködduð í gegnum sannkallað jarðsprengjusvæði. Hún hefur beðið hvern ósigurinn á fætur öðrum í breska þinginu og Jeremy Corbyn, leiðtogi Verkamannaflokksins, gerir nú harða hríð að May og krefst þingkosninga eða nýrrar þjóðaratkvæðagreiðslu um Brexit ef ekki verður kosið til þings. Þingið kýs um útgöngusamning Breta og ESB á þriðjudaginn. Það er nánast öruggt að samningurinn verður felldur því mikill meirihluti þingmanna er á móti honum.

Hinir ýmsu hópar á þinginu hafa ýmsar ástæður til að hafna samningnum. Corbyn sagði á fréttamannafundi í gær að þegar búið verður að fella samninginn muni hann reyna að fá meirihluta á þingi til að leggja fram vantrausttillögu á ríkisstjórn May og þar með að boðað verði til kosninga.

Hann sagði að ef ríkisstjórnin getur ekki komið mikilvægasta frumvarpi sínu í gegnum þingið þá verði að boða til kosninga sem fyrst. Verkamannaflokkurinn sé ekki með nægan þingstyrk til að geta einn komið vantraustillögu í gegnum þingið þannig að þingmenn annarra flokka verði að greiða atkvæði með tillögunni og binda enda á ástandið.

Corbyn segist þess fullviss að Verkamannaflokkurinn geti náð betri samningi við ESB en viðurkennir að það krefjist þess að Brexit verði frestað en útgangan á að verða þann 29. mars næstkomandi.

Ef ekki tekst að knýja fram kosningar er varaáætlunin að knýja fram nýja þjóðaratkvæðagreiðslu um Brexit. BBC segir að vaxandi þrýstingur sé innan Verkamannaflokksins um að efna til nýrrar þjóðaratkvæðagreiðslu um Brexit.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

790 milljónum netfanga og lykilorða lekið á netið – Svona getur þú séð hvort þitt netfang er þar á meðal

790 milljónum netfanga og lykilorða lekið á netið – Svona getur þú séð hvort þitt netfang er þar á meðal
Pressan
Fyrir 2 dögum

Hin fullkomna tía – 60 milljónir áhorfa á 10 dögum

Hin fullkomna tía – 60 milljónir áhorfa á 10 dögum
Pressan
Fyrir 2 dögum

Þrjú grunsamleg dauðsföll á einum mánuði – „Áhyggjuefni og hræðilegt“

Þrjú grunsamleg dauðsföll á einum mánuði – „Áhyggjuefni og hræðilegt“
Pressan
Fyrir 2 dögum

Ótrúleg sjón blasti við 16 ára stúlku þegar hún kafaði í sjónum – Sjáðu myndbandið

Ótrúleg sjón blasti við 16 ára stúlku þegar hún kafaði í sjónum – Sjáðu myndbandið
Pressan
Fyrir 3 dögum

Tóku til sinna ráða þegar þeir komust að skuggalegu leyndarmáli nágranna síns

Tóku til sinna ráða þegar þeir komust að skuggalegu leyndarmáli nágranna síns
Pressan
Fyrir 4 dögum

Skýr skilaboð frá NASA – „Þessu myndum við aldrei halda leyndu“

Skýr skilaboð frá NASA – „Þessu myndum við aldrei halda leyndu“