Söngvarinn Robbie Williams hefur farið verulega í hinar fínustu hjá Jimmy Page, gítarleikara Led Zeppelin, undanfarnar vikur, en svo vill til að tónlistarmennirnir eru nágrannar í vesturhluta London.
Þessir tveir hafa lent í kröppum dansi eftir að Williams fékk leyfi til að byggja veigamikla sundlaug á lóð sinni, Page til mikillar mæðu. Breski fréttamiðillinn The Guardian greinir meðal annars frá þessum óvenjulegu nágrannaerjum.
Hermt er að Page telji að framkvæmdirnar valdi skaða á setri sínu sem byggt var árið 1875. Samkvæmt sögum barst kvörtunarbréf til umdæmanna í Kensington og Chelsea, skrifað undir (dul)nafninu „Jonny.“ Þar kemur fram að Williams hafi ítrekað tekið upp á því að spila tónlist eftir Black Sabbath á fullum hljóðstyrk, fullmeðvitaður um að þetta fari í taugarnar á Led Zeppelin-stjörnunni. Báðar hljómsveitir voru einmitt í mikilli samkeppni hvor við aðra á ferilnum, sérstaklega á áttunda áratug síðustu aldar.
Williams var veitt leyfið til að byggja sundlaugina í desember síðastliðnum, en framkvæmdir geta ekki hafist fyrr en ráðuneyti borgarhlutans greiðir úr flækjunum á milli nágrannanna. Skilmálar gætu breyst og leyfið verið afturkallað ef í ljós kemur að þessi vinna hafi áhrif á eign hússins hjá Page.
Hvort nágrannadeilur þessara tónlistarmanna eigi þá eftir að magnast enn meir á eftir að skýrast.