fbpx
Laugardagur 16.febrúar 2019
Pressan

Þetta gæti verið stærsta uppgötvun mannkynssögunnar –„Ég held að við munum sjá töluverða umferð þarna úti“

Kristján Kristjánsson
Miðvikudaginn 16. janúar 2019 06:59

Oumuamua. Mynd:European Southern Observatory/M. Kornmesser

Ekki missa af Helstu tíðindum dagsins í pósthólfið þitt

Lesa nánar

Í nýju viðtali við ísraelska dagblaðið Haaretz ræðir Avi Loeb, forseti stjörnufræðideildar Harvard háskólans í Bandaríkjunum, um umdeilda kenningu sína um Oumuamua sem fór í gegnum sólkerfið okkar á haustdögum 2017. Þetta var í fyrsta sinn sem vísindamenn uppgötvuðu hlut, sem er ekki upprunninn í sólkerfinu okkar, á ferð í því. Þetta var því mjög merk uppgötvun.

Loeb setti fram umdeilda kenningu í kjölfarið þar sem hann velti því upp að Oumuamua gæti verið geimfar vitsmunavera frá öðrum sólkerfum og velti um leið fyrir sér stöðu mannkynsins í alheiminum.

„Um leið og við yfirgefum sólkerfið held ég að við munum sjá töluverða umferð þarna úti.“

Sagði hann í viðtalinu við Haaretz og bætti við:

„Hugsanlega fáum við skilaboð sem hljóma: „Velkomin í miðgeimshópinn.“ Eða þá finnum við marga útdauða menningarheima, það er við munum finna leifar þeirra.“

Loeb og samstarfsmaður hans veltu því upp í kenningu sinni hvort Oumuamua gæti verið geimfar sem væri knúið áfram með sólsegli en það getur að þeirra mati skýrt lögun hlutarins en hann minnir helst á vindling en það er mjög óvenjuleg lögun fyrir hluti í geimnum. Annað sem vakti athygli er hvernig birta hlutarins endurkastaðist af honum og breyttist þegar hann snerist.

Vísindamenn hlustuðu hvort hljóðmerki bærust frá Oumuamua en ekkert heyrðist. Loeb sagði í viðtalinu við Haaretz að hann standi við kenningu sína um að mögulega sé Oumuamua geimfar.

„Við höfum engar aðferðir til að vita hvort um virka tækni er að ræða eða geimskip sem virkar ekki lengur og flýgur áfram um geiminn.“

Loeb hefur vakið töluverða athygli undanfarið í viðtölum þar sem hann hefur rætt um líkurnar á að mannkynið muni finna menningarheima og vitsmunaverur utan jarðarinnar. Í viðtalinu við Haaretz segir hann að fjöldi vitsmunasamfélaga geti verið til í alheiminum og að vísindamenn eigi að einbeita sér að því að finna sannanir fyrir því.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Gekk til liðs við ISIS – nú vill hún snúa aftur heim

Gekk til liðs við ISIS – nú vill hún snúa aftur heim
Pressan
Fyrir 2 dögum

Keyrðu á 12 ára stúlku – Þegar þeir sáu hver hún var fékk farþeginn áfall

Keyrðu á 12 ára stúlku – Þegar þeir sáu hver hún var fékk farþeginn áfall
Pressan
Fyrir 2 dögum

Telja sig hafa fundið annan risastóran gíg undir Grænlandsjökli

Telja sig hafa fundið annan risastóran gíg undir Grænlandsjökli
Pressan
Fyrir 2 dögum

Algjört hrun vofir yfir – Eftir 100 ár geta skordýrin verið horfin

Algjört hrun vofir yfir – Eftir 100 ár geta skordýrin verið horfin
Fyrir 3 dögum

Stórlaxahvíslarinn hefur veitt 29 laxa yfir 100 cm

Stórlaxahvíslarinn hefur veitt 29 laxa yfir 100 cm
Pressan
Fyrir 3 dögum

Varar við uppreisn í Evrópu – „ESB hefur misst sambandið við almenning“

Varar við uppreisn í Evrópu – „ESB hefur misst sambandið við almenning“
Pressan
Fyrir 3 dögum

Brutust inn í yfirgefið hús til að reykja hass í friði – Trúðu ekki eigin augum

Brutust inn í yfirgefið hús til að reykja hass í friði – Trúðu ekki eigin augum
Pressan
Fyrir 3 dögum

Gætu mokað inn seðlum á bráðnun Grænlandsjökuls

Gætu mokað inn seðlum á bráðnun Grænlandsjökuls