Tad Cummins, fyrrverandi gagnfræðaskólakennari í Tennessee í Bandaríkjunum, hefur verið dæmdur í fangelsi.
Tad þessi var dæmdur fyrir að nema fimmtán ára stúlku, sem var nemandi hans, á brott árið 2017. Þau yfirgáfu Tennessee en um það bil mánuður leið áður en lögreglu tókst að hafa hendur í hári hans.
Tad var dæmdur í tuttugu ára fangelsi en saksóknarar höfðu farið fram á 30 ára fangelsisdóm. Hann viðurkenndi sök í málinu og fóru verjendur hans fram á tíu ára fangelsi. Ástæða þess að dómurinn var jafn þungur og raun ber vitni er sú að Tad fór með stúlkuna út fyrir ríkismörk Tennessee og til Kaliforníu..
Svo virðist vera sem Tad hafi ætlað að hefja ástarsamband með stúlkunni sem kom frá brotnu heimili. Hún hafði bæði verið vanrækt og misnotuð á heimili sínu.
Þegar Tad og stúlkun flýðu frá Tennessee hafði honum þegar verið vikið úr umræddum skóla. Það gerðist eftir að samnemandi stúlkunnar sá þau kyssast. Mánuði síðar voru þau farin.