Barnaleikfang sem kennir börnum að aftengja sprengju hefur verið tekið úr sölu í Bandaríkjunum í kjölfar háværra mótmæla foreldra. Leikurinn heitir Cut the wire, eða Klipptu á vírinn, og leyfir börnum að aftengja sprengju áður en tíminn rennur út. Minnir þetta óneitanlega mjög á atriðið úr kvikmyndum, til dæmis Tveir á toppnum 3:
Leikfangið er ætlað börnum 6 ára og eldri, það lítur út eins og dínamítstangir, líkt og flestir þekkja úr teiknimyndum. Ef barnið klippir á vitlausan vír eða ef tíminn rennur úr „springur sprengjan“ með hljóðum og titringi.
Í leikfangagagnrýni á Youtube er talað um að leikfangið sé kjörið til að finna þinn innri Ethan Hunt, persóna Tom Cruise úr kvikmyndunum Sérsveitin.
Talsmaður verslunarkeðjunnar Walmart sagði í samtali við New York Times að leikfangið hafi verið tekið úr sölu í kjölfar mótmæla foreldrasamtaka. Leikfangið er enn til sölu á vef Amazon.
