fbpx
Laugardagur 16.febrúar 2019
Pressan

Tóku til sinna ráða þegar þeir komust að skuggalegu leyndarmáli nágranna síns

Ritstjórn Pressunnar
Laugardaginn 19. janúar 2019 10:41

Ekki missa af Helstu tíðindum dagsins í pósthólfið þitt

Lesa nánar

Þegar hinn 54 ára gamli David Gaut flutti inn í nýtt hús við götu eina í bænum New Tredegar í Wales bjóst hann líklega við að geta lifað tiltölulega áhyggjulausu lífi. Um er að ræða fimm þúsund manna bæ skammt norður af Cardiff.

En Gaut þessi átti sér skuggalegt leyndarmál. Árið 1985 varð hann sautján mánaða dreng, Chi Ming Shek, að bana en Shek litli var sonur þáverandi kærustu hans. Hrikalegar barsmíðar urðu litla drengnum að bana og fór svo að Gaut var dæmdur í 33 ára fangelsi. Að afplánun lokinni settist Gaut að í umræddum bæ.

Hafi Gaut haldið að hann gæti lifað áhyggjulausu lífi það sem eftir væri skjátlaðist honum hrapallega. Nágrannar hans komust að skuggalegri fortíð hans og voru þeir, eðli málsins samkvæmt kannski, ekki átt sáttir við að fá dæmdan barnsmorðingja í hverfið.

David Osborne íbúi í hverfinu lagði á ráðin ásamt þremur öðrum íbúum í nágrenninu um að Gaut skyldi verða látinn finna hressilega fyrir því. Raunar gott betur en svo því Osborne vildi losna við Gaut fyrir fullt og allt, sama hvað það kostaði.

Osborne, 41 árs, Darren Evesham, 47 ára, og Ieuan Harley, 23 ára, tókst að lokka Gaut að heimili Osborne á tímabilinu frá 1. til 4. ágúst síðastliðinn. Það er skemmst frá því að segja að þremenningarnir réðust á Gaut með hnífi og veittu honum banvæna áverka. Alls fundust 176 stingusár á líki Gaut. Þá voru neglurnar á fingrum hans rifnar af. Að svo búnu drógu þeir líkið úr íbúðinni og komu því fyrir á heimili Gaut áður en þeir hófust handa við að þrífa eftir blóðbaðið.

Málið er nú fyrir dómi í Wales og fór aðalmeðferð fram í vikunni. Saksóknari málsins, Ben Douglas-Jones, sagði að markmið Osborne hafi allan tímann verið að lokka Gaut að heimili sínu í þeim tilgangi að velta upp atvikinu árið 1985.

Lík Gaut fannst daginn eftir af lögregluþjónum sem kallaðir voru að heimil hans. Það gerðist eftir að nágrannar tilkynntu um áhyggjur sínar af því að ef til vill væri ekki allt með felldu.

Saksóknarinn Ben sagði að Osborne hafi komist að fortíð nágranna síns eftir að flett honum upp á netinu. Allir þrír hafi viljað losna við hann og tekið þátt í morðinu. Þrátt fyrir skuggalega fortíð Gaut þá kallar hann eftir því að eitt verði látið yfir alla ganga og þremenningunum verði ekki sýnd nein miskunn þegar dómur verður kveðinn upp. „Hinn látni framdi skelfilegan glæp. En það er ekki okkar hlutverk að dæma hann fyrir það. Hann var dæmdur af kviðdómi fyrir mörgum árum. Hann var dæmdur og hann tók út þá refsingu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Hrottalegt morð í Kaupmannahöfn kallaði á róttækar vinnuaðferðir lögreglunnar

Hrottalegt morð í Kaupmannahöfn kallaði á róttækar vinnuaðferðir lögreglunnar
Pressan
Fyrir 2 dögum

Gekk til liðs við ISIS – nú vill hún snúa aftur heim

Gekk til liðs við ISIS – nú vill hún snúa aftur heim
Pressan
Fyrir 2 dögum

Svíþjóð – Dæmdur fyrir að myrða eiginkonu sína – Hún vildi „lifa frjáls eins og sænsk kona“

Svíþjóð – Dæmdur fyrir að myrða eiginkonu sína – Hún vildi „lifa frjáls eins og sænsk kona“
Pressan
Fyrir 2 dögum

Telja sig hafa fundið annan risastóran gíg undir Grænlandsjökli

Telja sig hafa fundið annan risastóran gíg undir Grænlandsjökli
Pressan
Fyrir 3 dögum

Falsað krabbameinslyf í umferð í Evrópu – Inniheldur bara parasetamól

Falsað krabbameinslyf í umferð í Evrópu – Inniheldur bara parasetamól
Fyrir 3 dögum

Stórlaxahvíslarinn hefur veitt 29 laxa yfir 100 cm

Stórlaxahvíslarinn hefur veitt 29 laxa yfir 100 cm
Pressan
Fyrir 3 dögum

Sá fjölskyldu sína myrta aðeins sjö ára gamall og var neyddur í stríð: „Svona lagað hverfur aldrei, þetta er morð á sálina“

Sá fjölskyldu sína myrta aðeins sjö ára gamall og var neyddur í stríð: „Svona lagað hverfur aldrei, þetta er morð á sálina“
Pressan
Fyrir 3 dögum

Brutust inn í yfirgefið hús til að reykja hass í friði – Trúðu ekki eigin augum

Brutust inn í yfirgefið hús til að reykja hass í friði – Trúðu ekki eigin augum