fbpx
Laugardagur 16.febrúar 2019
Pressan

Rændu glæpamenn frá Balkanskaga Anne-Elisabeth Hagen?

Kristján Kristjánsson
Mánudaginn 21. janúar 2019 08:10

Anne-Elisabeth Falkevik Hagen og heimili hennar. Skjáskot af vef Aftenposten.

Ekki missa af Helstu tíðindum dagsins í pósthólfið þitt

Lesa nánar

„Þetta er skipulögð glæpastarfsemi. Viðvaningar hafa ekki getu né þjálfun til að gera þetta.“

Þetta segir Ola Kaldager, fyrrum yfirmaður hins leynilega norska rannsóknarteymis E14, í samtali við Norska ríkisútvarpið um ránið á Anne-Elisabeth Hagen sem var rænt frá heimili sínu nærri Osló þann 31. október.

Ola segist aðeins hafa fylgst með málinu í fjölmiðlum. Enginn liggur undir grun hjá lögreglunni um mannránið en hún hefur sagt að ýmislegt bendi til að atvinnumenn hafi verið að verki. Ola segir að það styðji þetta hversu langur tími leið frá mannráninu þar til lögreglan skýrði frá því.

„Þetta eru örugglega atvinnumenn. Það sést meðal annars á vísbendingunum og hvernig lögreglan rannsakar málið.“

Eins og fram hefur komið krefjast mannræningjarnir 9 milljóna evra í lausnargjald og á að greiða það í rafmynt. Samkvæmt fréttum norskra fjölmiðla hefur lítið sem ekkert samband verið á milli fjölskyldu Anne og mannræningjanna eftir ránið. Þeir skildu eftir miða með kröfu um lausnargjald á heimili hennar og fann eiginmaður hennar miðann. Eftir það hefur ekkert heyrst frá mannræningjunum að því best er vitað.

Ola segir að hann telji að þær vísbendingar sem lögreglan hefur geti bent til þess að vel þjálfaðir glæpamenn frá Balkanskaga hafi verið að verki.

„Það þarf ekki að líta lengra en til Svíþjóðar þar sem eru tengingar við slíka hópa á Balkanskaga. Þeir hafa getuna og þjálfun úr borgarastríðinu. Það var ekki óalgengt að fólki væri rænt á Balkanskaga á meðan borgarastríðið stóð yfir.“

Í áhættugreiningu frá alþjóðlega öryggisfyrirtækinu Control Risks frá því í júlí á síðasta ári kemur fram að fyrsta þekkta mannránið, þar sem lausnargjalds var krafist í rafmynt, hafi verið á Kosta Ríka í janúar 2015. Síðan þá hefur fyrirtækið skráð álíka mannrán í 12 löndum, þar á meðal Bretlandi, Úkraínu og Tyrklandi. 2017 skráði fyrirtækið tvö slík mannrán á hverjum ársfjórðungi. Á fyrri helmingi síðasta árs var eitt slíkt mannrán skráð í mánuði hverjum hjá fyrirtækinu.

Lögreglan hefur nú fengið rúmlega 1.000 ábendingar í tengslum við hvarf Anne-Eliasabeth og snúa þær að ýmsu. Ekki hefur tekist að bera kennsl á tvo menn sem sjást á myndbandsupptöku sem var gerð með öryggismyndavél við vinnustað Tom Hagen, eiginmanns Anne-Elisabeth, morguninn sem hún hvarf. Lögreglunni þykir þessir menn mjög áhugaverðir í tengslum við rannsókn málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Hrottalegt morð í Kaupmannahöfn kallaði á róttækar vinnuaðferðir lögreglunnar

Hrottalegt morð í Kaupmannahöfn kallaði á róttækar vinnuaðferðir lögreglunnar
Pressan
Fyrir 2 dögum

Gekk til liðs við ISIS – nú vill hún snúa aftur heim

Gekk til liðs við ISIS – nú vill hún snúa aftur heim
Pressan
Fyrir 2 dögum

Svíþjóð – Dæmdur fyrir að myrða eiginkonu sína – Hún vildi „lifa frjáls eins og sænsk kona“

Svíþjóð – Dæmdur fyrir að myrða eiginkonu sína – Hún vildi „lifa frjáls eins og sænsk kona“
Pressan
Fyrir 2 dögum

Telja sig hafa fundið annan risastóran gíg undir Grænlandsjökli

Telja sig hafa fundið annan risastóran gíg undir Grænlandsjökli
Pressan
Fyrir 2 dögum

Falsað krabbameinslyf í umferð í Evrópu – Inniheldur bara parasetamól

Falsað krabbameinslyf í umferð í Evrópu – Inniheldur bara parasetamól
Fyrir 3 dögum

Stórlaxahvíslarinn hefur veitt 29 laxa yfir 100 cm

Stórlaxahvíslarinn hefur veitt 29 laxa yfir 100 cm
Pressan
Fyrir 3 dögum

Sá fjölskyldu sína myrta aðeins sjö ára gamall og var neyddur í stríð: „Svona lagað hverfur aldrei, þetta er morð á sálina“

Sá fjölskyldu sína myrta aðeins sjö ára gamall og var neyddur í stríð: „Svona lagað hverfur aldrei, þetta er morð á sálina“
Pressan
Fyrir 3 dögum

Brutust inn í yfirgefið hús til að reykja hass í friði – Trúðu ekki eigin augum

Brutust inn í yfirgefið hús til að reykja hass í friði – Trúðu ekki eigin augum