fbpx
Laugardagur 16.febrúar 2019
Pressan

Ótrúlegar tilraunir til tryggingasvika – Fórnaði fæti í von um bætur

Kristján Kristjánsson
Þriðjudaginn 22. janúar 2019 07:22

Þetta er álitlegur peningastafli. Mynd:Morten Jelsa

Ekki missa af Helstu tíðindum dagsins í pósthólfið þitt

Lesa nánar

Það virðast ekki vera nein takmörk á hugmyndaflugi fólks og vilja til að svíkja fé út úr tryggingafélögum. En að einhver gangi svo langt að fórna fæti til að fá bætur kann að þykja ótrúlegt en dæmi um slíkt er samt sem áður þekkt.

Í nýlegri umfjöllun TV2 er fjallað um tilraunir Dana til að hafa fé af tryggingafélögum með ólögmætum hætti. Þar er sérstaklega fjallað um mál manns sem lagðist á lestarteina og lét lest aka yfir annan fót sinn með það að markmiði að missa fótinn.

Dönsk tryggingafélög hafa brugðist við þessu með því að fjölga starfsmönnum sem rannsaka meint tryggingasvik og hafa margir fyrrum lögreglumenn verið ráðnir til slíkra starfa.

Í umfjöllun TV2 er rætt við einn slíkan en hann nýtur nafnleyndar í umfjölluninni. Hann starfar hjá Tryg. Hann segir þar frá grófasta dæminu sem hann þekkir um tryggingasvik en það var fyrrgreindur maður sem lét lest aka yfir annan fót sinn til að fá bætur. Hann hafði keypt tryggingar hjá nokkrum félögum og átti að fá 12 milljónir danskra króna í bætur frá Tryg og hefði fengið þær ef ekki hefði komist upp um svikin.

„Þetta sýnir hversu mikla áhættu sumir eru reiðubúnir að taka til að fá greiddar bætur.“

Er haft eftir lögreglumanninum.

Fjölmiðlafulltrúi Tryg, Tanja Frederiksen, staðfesti þetta við BT og sagði að maðurinn hefði keypt 17 slysatryggingar að upphæð 33 milljónir danskra króna hjá þremur dönskum tryggingafélögum áður en hann lagðist á lestarteinana.

Mál mannsins var tekið fyrir í undirrétti í Glostrup í árslok 2016. Þar sigruðu tryggingafélögin þrjú og kröfum mannsins var hafnað og var maðurinn dæmdur til að greiða félögunum málskostnað. Það sem kom tryggingafélögunum á sporið með svik mannsins var að nokkrum árum áður hafði hann komið við sögu í svipuðu máli. Þá sagaði hann aðra höndina af sér með vélsög. Hún var saumuð aftur á en á endanum varð að taka hana af vegna ýmissa vandamála sem upp komu. Þetta gerðist árið 2000 og fékk maðurinn þá 9,2 milljónir danskra króna í bætur og notaði hann fjármagnið til að fjárfesta í fasteignum.

Þetta er grófasta dæmið sem nefnt var til sögunnar í umfjölluninni en einnig voru nefnd til sögunnar mál viðskiptavins sem sagaði af sér fingur til að fá bætur. Þá eru ófá málin þar sem fólk hefur „eyðilagt“ eða „týnt“ iPhone símunum sínum sama dag og nýtt módel kom á markaðinn. Þá segjast tryggingafélögin vera sérstaklega á varðbergi þegar tilkynnt er um umferðaróhöpp sem eru sögð hafa átt sér stað um miðja nótt á fáförnum vegum. Það er fólk úr öllum stéttum samfélagsins sem hefur orðið uppvíst að tryggingasvikum að sögn lögreglumannsins fyrrverandi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Gekk til liðs við ISIS – nú vill hún snúa aftur heim

Gekk til liðs við ISIS – nú vill hún snúa aftur heim
Pressan
Fyrir 2 dögum

Keyrðu á 12 ára stúlku – Þegar þeir sáu hver hún var fékk farþeginn áfall

Keyrðu á 12 ára stúlku – Þegar þeir sáu hver hún var fékk farþeginn áfall
Pressan
Fyrir 2 dögum

Telja sig hafa fundið annan risastóran gíg undir Grænlandsjökli

Telja sig hafa fundið annan risastóran gíg undir Grænlandsjökli
Pressan
Fyrir 2 dögum

Algjört hrun vofir yfir – Eftir 100 ár geta skordýrin verið horfin

Algjört hrun vofir yfir – Eftir 100 ár geta skordýrin verið horfin
Fyrir 3 dögum

Stórlaxahvíslarinn hefur veitt 29 laxa yfir 100 cm

Stórlaxahvíslarinn hefur veitt 29 laxa yfir 100 cm
Pressan
Fyrir 3 dögum

Varar við uppreisn í Evrópu – „ESB hefur misst sambandið við almenning“

Varar við uppreisn í Evrópu – „ESB hefur misst sambandið við almenning“
Pressan
Fyrir 3 dögum

Brutust inn í yfirgefið hús til að reykja hass í friði – Trúðu ekki eigin augum

Brutust inn í yfirgefið hús til að reykja hass í friði – Trúðu ekki eigin augum
Pressan
Fyrir 3 dögum

Gætu mokað inn seðlum á bráðnun Grænlandsjökuls

Gætu mokað inn seðlum á bráðnun Grænlandsjökuls