Viðskiptastríð er mögulega að fara eiga sér stað á milli Frakklands og Malasíu vegna Pálmaolíu. Franska þingið samþykkti í síðasta mánuði frumvarp þess efnis að pálmaolía yrði bönnum í framleiðslu á lífeldsneyti árið 2020. Stjórnvöld í Malasíu brugðust hart við þessum fréttum og hóta nú að grípa til innflutningsbanns á frönskum vörum. Malasía ásamt Indónesíu framleiða um rúmlega 90% af allri pálmaolíu í heiminum og eru því gífurlegir mikilvægt fyrir Malasíu að Frakkar haldi áfram notkun á pálmaolíu. Viðskipti á milli Frakklands og Malasíu hljóða upp á rúmlega 530 milljarða íslenskra króna og eru því miklir hagsmunir í húfi. Evrópusambandið mun alfarið banna notkun á pálmaolíu í lífeldsneyti árið 2030, en mörg ríki sambandsins eru nú þegar byrjuð að draga úr notkun á pálmaolíu.
Umhverfissamtök benda á að ræktun á pálmaolíu valdi gífurlegri skógareyðingu ásamt því að yfir 100 þúsund órangútanar eru taldir hafa drepist vegna skógareyðingarnar síðan árið 2000, ásamt því að fjöldinn af öðrum dýrategundum. Bent er þó á að framleiðsla á pálmaolíu sé töluvert umhverfisvænni en framleiðsla á til dæmis sólblómaolíu eða olíur framleiddar úr sojabaunum, þar sem pálmaolía þarf mun minna landsvæði til ræktunar en hinar tegundirnar. Þetta gildir þó eingöngu séu skógar ekki höggnir niður fyrir framleiðsluna.
