fbpx
Sunnudagur 17.febrúar 2019
Pressan

Tengjast dularfullir menn með veiðistöng og sjónauka hvarfinu á Anne-Elisabeth?

Kristján Kristjánsson
Miðvikudaginn 23. janúar 2019 06:05

Anne-Elisabeth Falkevik Hagen og heimili hennar. Skjáskot af vef Aftenposten.

Ekki missa af Helstu tíðindum dagsins í pósthólfið þitt

Lesa nánar

Dularfullir menn með veiðistöng og sjónauka. Getur hugsast að þeir tengist ráninu á Anne-Elisabeth Hagen? Þessari 68 ára eiginkonu norska milljarðamæringsins Tom Hagen var rænt af heimili þeirra í Fjellhamar þann 31. október síðastliðinn. Lausnargjalds upp á níu milljónir evra var krafist í skilaboðum sem voru skilin eftir á heimilinu og á að greiða það í rafmynt. Eftir að lögreglan skýrði opinberlega frá málinu þann 10. janúar hafa henni borist fjölmargar ábendingar frá almenningi.

Eitt þeirra vitna sem hefur sett sig í samband við lögregluna er fjölskyldufaðir sem býr nærri heimili Hagen-hjónanna. VG skýrir frá vitneskju hans í dag en maðurinn nýtur nafnleyndar í umfjöllun blaðsins.

„Ég hafði aldrei séð neinn veiða á þessari bryggju en kannski er það algengt. En það var frekar heildin sem ég tók eftir. Þeir voru svo fráhrindandi í garð annarra og voru með stóra myndavél á fæti og langa aðdráttarlinsu.“

Segir hann um tvo menn sem hann sá á bryggjunni við Langevannet í haust. Maðurinn hefur farið með dóttur sinni að vatninu næstum hverja helgi undanfarin tvö og hálft ár til að gefa öndunum að borða. Hann sagðist ekki geta sagt nákvæmlega til um hvenær hann sá mennina en telur að það hafi verið í september eða október.

Hann segir að mennirnir hafi báðir verið svartklæddir, 35 til 45 ára og hafi talað austur-evrópskt mál, ekki pólsku en maðurinn skilur pólsku aðeins. Hann segir að báðir mennirnir hafi virst vera í góðu formi, annar þeirra hafi verið sérstaklega vöðvamikill og sterklegur að sjá. Það að maðurinn telur mennina vera austur-evrópska getur rennt stoðum undir þá kenningu Ola Kaldager að skipulagður glæpahópur frá Balkanskaga standi að baki ráninu á Anne-Elisabeth eins og DV skýrði frá á mánudaginn.

Anne-Elisabeth Hagen

Langevannet er vinsæll staður meðal fuglaskoðara þar sem mikið og fjölbreytt fuglalíf er þar. Það er því ekki óvanalegt að rekast á fuglaskoðara með sjónauka og myndavélar við vatnið. En tvímenningarnir stungu í stúf með myndavél og veiðistöng. Hann segir að þeir hafi ekki tekið myndir á meðan þau feðginin voru nærri þeim.

Hann segist hafa leitt hugann að mönnunum þegar skýrt var frá mannráninu enda sé bryggjan skammt frá húsi Hagen-hjónanna.

Lögreglan hafði áður beðið áhugaljósmyndara og aðra sem voru við vatnið í haust að setja sig í samband.

Jann Ove Rørvik, fuglaskoðari, er oft við Langvannet til að mynda fugla. Hann sá þrjá veiðimenn ekki fjarri húsi Hagen-hjónanna skömmu áður en Anne-Elisabeth var rænt. Hann telur að þetta hafi verið þann 29. október á milli klukkan 10.30 og 12. Hann segir tvo menn hafa staðið á bryggju og veitt og sá þriðji hafi staðið einn í fjöruborðinu skammt frá. Hann segir tvo þeirra hafa verið á þrítugsaldri en þann þriðja um fimmtugt. Hann segir að þeir hafi virst vera venjulegir stangveiðimenn með tilheyrandi búnað. Þennan sama dag sá hann silfurlitaðan bíl, Ford Fiesta, telur hann á bifreiðastæði ekki fjarri vatninu. Bíllinn var með austur-evrópskar númeraplötur. Hann segist hafa gengið út frá því að þetta væri bíll veiðimannanna. Hann hafði áður séð þennan bíl á þessum sama stað en þá sá hann veiðimennina ekki. Hann segist fullviss um að hann hafi hvorki sé bílinn né veiðimennina eftir að Anne-Elisabeth hvarf.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Giftist kjálkalausri uppvakninga brúðu

Giftist kjálkalausri uppvakninga brúðu
Pressan
Fyrir 2 dögum

Hrottalegt morð í Kaupmannahöfn kallaði á róttækar vinnuaðferðir lögreglunnar

Hrottalegt morð í Kaupmannahöfn kallaði á róttækar vinnuaðferðir lögreglunnar
Pressan
Fyrir 2 dögum

Óhugnanleg aðkoma í hlöðunni – Vannærð börn lokuð inni í hundabúri

Óhugnanleg aðkoma í hlöðunni – Vannærð börn lokuð inni í hundabúri
Pressan
Fyrir 3 dögum

Svíþjóð – Dæmdur fyrir að myrða eiginkonu sína – Hún vildi „lifa frjáls eins og sænsk kona“

Svíþjóð – Dæmdur fyrir að myrða eiginkonu sína – Hún vildi „lifa frjáls eins og sænsk kona“
Pressan
Fyrir 3 dögum

Lögreglumenn slá í gegn á netinu – Hverjum hefði dottið í hug að lögreglumenn geri þetta á næturvaktinni? Myndband

Lögreglumenn slá í gegn á netinu – Hverjum hefði dottið í hug að lögreglumenn geri þetta á næturvaktinni? Myndband
Pressan
Fyrir 3 dögum

Falsað krabbameinslyf í umferð í Evrópu – Inniheldur bara parasetamól

Falsað krabbameinslyf í umferð í Evrópu – Inniheldur bara parasetamól
Pressan
Fyrir 4 dögum

Sögð hafa gefið eiginmanninum frostlög og kveikt í húsinu: Vildi giftast fanga sem afplánar lífstíðardóm

Sögð hafa gefið eiginmanninum frostlög og kveikt í húsinu: Vildi giftast fanga sem afplánar lífstíðardóm
Pressan
Fyrir 4 dögum

Sá fjölskyldu sína myrta aðeins sjö ára gamall og var neyddur í stríð: „Svona lagað hverfur aldrei, þetta er morð á sálina“

Sá fjölskyldu sína myrta aðeins sjö ára gamall og var neyddur í stríð: „Svona lagað hverfur aldrei, þetta er morð á sálina“