Skelfilegur harmleikur átti sér stað í Englandi í nótt þegar íbúðarhús varð alelda. Í húsinu bjuggu hjón ásamt fimm börnum sínum. Fjögur barnanna létust í harmleiknum. Frá þessu er greint á vef The Daily Mail.
Börnin sem létust voru 8, 6, 4 og 3 ára. Foreldrarnir sluppu ásamt yngsta barninu.
Vinir fjölskyldunnar eru harmi slegnir og hafa lagt tuskudýr og blóm við vettvanginn til að minnast þeirra látnu.
Nágranni fjölskyldunnar, Wendy Pickering, hefur líst því hvernig hún heyrði skaðræðisöskur barnanna á meðan þau urðu eldinum að bráð.
„Þau voru öll yndisleg, hamingjusöm og hress og full af gleði. Einn drengjanna fylgist gjarnan með mér þegar ég var að viðra hundinn minn og vinkaði mér frá svefnherbergisglugga sínum.“
„Ég get ekki trúað því að þau séu látin. Þessi börn voru alveg ofboðsslega mikil krútt. Þetta er hörmulegt.“
Á miða við brunarústirnar, við hlið tuskudýrs, stendur : „Hvílið í friði litlu börn, lífið er grimmt. Hugur okkar er með fjölskyldunni á þessum erfiða tíma.“
Talið er að móðir barnanna hafi náð að koma sér út úr logandi húsinu og kallað á aðstoð nágranna. Faðir barnanna stökk í kjölfarið út um gluggan, með yngsta barnið í fanginu.
Upptök eldsins eru talin hafa verið í einu barnaherberginu.
