Bandaríkjamaður lést í hryllilegu slysi þegar rafretta, sem hann var að nota, sprakk. Þetta kemur fram á vef CBS í Dallas, Bandaríkjunum.
Slysið átti sér stað í lok janúar. William var alinn upp af ömmu sinni, Alice Brown, en jarðarförin hans verður haldin í þessari viku.
„Hann átti framtíðina fyrir sér, heilt líf til að lifa“ sagði Alice.
Samkvæmt réttarmeinafræðingi lét Willam lífið eftir heilablóðfall sem rekja má til slagæðablæðingar í kjölfar sprengingarinnar.
Willliam var í bílnum sínum fyrir utan rafrettuverslun. Hann hafði ekki verið að versla í búðinni heldur að leita sér aðstoðar við að nota rafrettu af gerðinni Mechanical Mod. Verslunarstjóri búðarinnar segir að þeir bjóði ekki upp á þá tegund af rafrettum því áður hafa komið upp vandamál tengd notkun á slíkum rafrettum. Það var verslunarstjórinn sem fann Willam við illan leik á bílastæðinu og hringdi þá samstundis eftir sjúkrabíl.
William var fluttur á sjúkrahús þar sem honum var haldið sofandi. Á röntgen myndum mátti sjá hvar bútar úr rafrettunni voru fastir inni í hálsi hans. Samkvæmt fjölskyldu Willams tóku læknarnari óskiljanlega ákvörðun um að framkvæma ekki aðgerð til að fjarlægja rafrettuhlutana, en amma Willams telur að slík aðgerð hefði getað bjargað lífi hans. Tveimur dögum eftir slysið var hann úrskurðaður látinn.
„Þetta er morð. Hann var ekki einu sinni orðinn 25 ára gamall. Hann hefði átt að lifa löngu og góðu lífi,“ sagði Alice. Hann hefði lifað af ef þeir hefðu framkvæmt aðgerðina, að hennar mati.
Samkvæmt rannsóknaraðilum slyssins má rekja sprenginguna til rafhlöðu rafrettunnar, eða svo segir Alice. Hún hefur ákveðið að kæra ekki atvikið, enda geti engin kæra fært henni barnabarnið til baka.