„Ég opnaði og sá þá tvo stóra blómvendi. Þetta voru túlipanar og fleiri blómategundir. Mjög fín, rauð og bleik blóm.“
Sagði hún í samtali við Aftonbladet en hún býr í Svíþjóð. En gleðin rann fljótt af henni því sendandinn reyndist hafa eitthvað allt annað í huga en að sýna henni kærleika.
Á öðrum blómvendinum var kort sem á stóð: „Hvenær ætlar þú að totta mig?“
Ekkert kom fram um hver sendi blómin.
Saga segir að henni hafi í fyrstu dottið í huga að einhver væri að grínast því hún er einhleyp. Hún spurði vini sína en enginn þeirra kannast við að hafa sent henni blóm.
Á heimasíðu blómaverslunarinnar sá hún að blóm, eins og hún fékk, kosta 375 sænskar krónur og í heildina hefur þetta kostað sendandann 750 krónur með sendingarkostnaði. Hjá blómaversluninni fengust þau svör að ekki væri hægt að gefa upp nafn sendandans því það myndi stríða gegn persónuverndarreglum.
„Það er einhver sem veit hver ég er sem sendi mér þessi blóm. Ég hef ekki hugmynd um hver það er. Ég er mjög hrædd því ég veit ekki hver gerði þetta.“
