Forstjórar stærstu bílaframleiðanda í Bandaríkjunum hittust í Detroit í dag og gáfu þeir út sameiginlega yfirlýsingu. Hvetja þeir Donald Trump, forseta Bandaríkjanna, til að hætta viðskiptastríði við þjóðir heimsins ásamt því að opna aftur fyrir starfsemi alríkisstjórnina. Forstjóri Fiat Chrysler segir að tollar sem Trump setti á stál og ál mun auka kostnað fyrirtækisins um allt að 42 milljarða íslenskra króna fyrir rekstrarárið 2019.
Lokun alríkisstjórnarinnar hefur einnig haft þau áhrif að ekki er hægt að setja í sölu nýjar bifreiðar frá framleiðendunum þar sem þær þurfa samþykki yfirvalda. Lokunin hefur varið nú yfir í 25 daga og hefur Donald Trump ekki gefið nein merki um að hann ætli að gefa eftir. Forsetinn krefst þess að bandaríska þingið samþykki 686 milljarða króna fjárútlát vegna áætlana hans um að byggja vegg á landamærum Bandaríkjanna og Mexíkó.