Brexit-samningurinn var felldur í neðri málsstofu breska þingsins í kvöld. Voru 202 manns sem studdu samkomulagið en 432 voru á móti.
Theresa May forsætisráðherra hefur nú þrjá virka daga til að tilkynna þjóð og þingi hver næstu skref ríkisstjórnarinnar verði eftir að samningurinn hefur verið felldur.
Jeremy Corbyn, leiðtogi Verkamannaflokksins, tilkynnti um leið og niðurstaða atkvæðagreiðslunnar lá fyrir að hann færi fram á að þingið greiddi atkvæði um vantraust á Theresu May og hennar ríkisstjórn. Ákveðið hefur verið að atkvæðagreiðslan fari fram á morgun.
Áætlað er að Bretland fari úr Evrópusambandinu þann 29. febrúar.