Námsmaður sem nennti ekki að skafa ísingu af framrúðu bílsins síns og varð konu að bana var í dag dæmdur í 10 mánaða fangelsi. Independent greinir frá því í dag að hinn 26 ára gamli Alexander Fitzgerald hafi ekki séð þegar hann keyrði yfir Jasjot Singhota, sem var læknir um þrítugt, sem var að ganga yfir gangbraut. Atvikið átti sér stað í janúar 2017 í úthverfi Lundúna. Dómurinn tók til greina að Fitzgerald var ekki tryggður en hefði reynt að aðstoða Singhota. Fyrir utan 10 mánaða fangelsi má hann ekki keyra næstu 23 mánuðina.

Lögreglumaðurinn sem fór með rannsókn málsins sagði fyrir dómi að „það hefði auðveldlega verið hægt að koma í veg fyrir slysið“, bara ef Fitzgerald hefði skafið af bílnum.

Neha Santasalo, systir Sanghota, sagði við fjölmiðla að dómurinn lokaði erfiðum kafla í lífi fjölskyldunnar og vina. „Að skafa framrúðuna er auðvelt og stuttan tíma. Það kemur í veg fyrir að aðrir þurfi að ganga í gegnum það sem við höfum þurft að upplifa.“