Tveggja ára stúlka fannst látin fyrir utan heimili sitt í New Hampshire í Bandaríkjunum á mánudagsmorgun. Talið er að Sofia Van Schloik hafi vaknað um nóttina og farið út en ekki komist inn aftur. Hitastigið var -8 gráður.
Afi stúlkunnar, Lindsay Van Schloik, sagði í samtali við fjölmiðla Vestanhafs að fjölskyldan sé eyðilögð. Sofia var nýflutt í húsið ásamt foreldrum sínum og var enn að læra á umhverfi sitt. Það hafi verið auðvelt að opna út.
„Við teljum ekki að hún hafi reynt að komast inn. Hún fannst neðst í útidyratröppunum. Við munum aldrei vita nákvæmlega hvað gerðist,“ sagði Van Schloik.
Fjölmiðlar segja að nágrannar hafi heyrt barnsgrátur kl. 4 um nóttina. Kl. 7 barst lögreglu tilkynning. Þegar lögregla kom á vettvang skömmu síðar var Sofia úrskurðuð látin.
„Hún var mjög gáfuð, skemmtileg og þrjósk,“ segir afi hennar. „Hún var yndisleg.“
