Vísindamaður var étinn lifandi af 5 metra löngum krókódíl þegar hann var við störf á CV Yosiki rannsóknarstöðinni í Indónesíu um helgina.   Tribun Manado dagblaðið hefur eftir lögreglu að hin 44 ára Deasy Tuwo hafi dottið ofan í laug á rannsóknarstöðunni. Aðkoman var hræðileg og mun krókódíllinn hafa étið helminginn af henni en það voru samstarfsmenn sem fundu hana:

„Við litum á krókódílalaugina og þar var eitthvað fljótandi, það var það sem var eftir af Deasy,“ sagði Erling Rumengan, vísindamaður á stöðinni.

Krókódíllinn, sem heitir Merry, er gæludýr eiganda rannsóknarstöðvarinnar, hann mun vera japanskur auðmaður. Yfirvöld í Indónesíu gengur illa að hafa uppi á honum, þangað til það næst í hann verður Merry settur á róandi lyf og haldið í einangrun.