Góðgerðafélagið Oxfam gaf á dögunum út skýrslu þar sem kemur fram að bilið á milli fátækra og ríkra sé að aukast. Skýrslan kemur út um leið og hinn árlegi World Economic Forum-fundur fer fram í Davos í Sviss, en þar hittast auðmenn og forstjórar stærstu fyrirtækja heims ásamt stjórnmálamönnum og ræða heimsmálin.
Í skýrslunni kemur meðal annars fram að á meðan auður ríkasta fólks heimsins hafi aukist um 12%, hafi auður þeirra fátækustu minnkað um 11%. Segja skýrsluhöfundar að ástæða þessar þróunar sé vegna þess hvernig skattkerfi þjóða hafi breyst á undanförnum áratugum. Skattbyrðin sé að færast sífellt meira yfir á þá fátæku og hefur það meðal annars þau áhrif að skattstofn þjóða minnkar. Þetta leiði af sér minna af fjármunum sem fara í opinbera þjónustu eins og heilbrigðisþjónustu og menntamál.
Winnie Byanyima, framkvæmdastjóri Oxfam segir að óbeinir skattar sem lagðir séu á nauðsynja vörur geri það að völdum að þeir fátæku borgi hlutfallslega mun meira í skatta en þeir ríku. Hann bætir við að þetta ástand sé búið að versna mjög hratt á undanförnum árum, þá sérstaklega í ríkjum þar sem skattar á fyrirtæki og þá ríku hafa verið lækkaðir.
