Fjórir menn hafa verið handteknir af lögreglu um grun að vera ábyrgir fyrir sprengjuárás fyrir utan dómhús í Londonderry í Norður-Írlandi. Enginn lést þegar sprengjan sprakk, en umtalsverðar skemmdir urðu vegna hennar. Lögreglan grunar að árásin hafi verið skipulögð af nýjum IRA samtökum, en IRA framkvæmdi fjöldann af hryðjuverkaárásum um allt Bretland í rúma þrjá áratugi áður en friðarsamkomulag var undirritað árið 1998. Alls dóu um 3.600 manns í árásum IRA.
Sinn Fein, pólitískur armur IRA, brást harðlega við árásinni. Sagði Mary Lou McDonald, formaður Sinn Fein, að þeir sem væru ábyrgir fyrir árásinni ættu að skammast sín og ekki framkvæma frekari árásir. Lögregluyfirvöld í Norður-Írlandi sagði að þau hefði fengið viðvörun, eingöngu nokkrum mínútum áður en sprengjan sprakk, til að rýma svæðið. Þurftu um 150 manns að yfirgefa heimili sín ásamt miklum fjölda barna sem voru á barnaskemmtun.
