Mark Carney, seðlabankastjóri Bretlands, segir að flest bresk fyrirtæki séu alls ekki tilbúin ef Bretland nær ekki samkomulagi við Evrópusambandið um útgöngu úr því. Þetta sagði hann í dag á Alþjóðaefnahagsþinginu í Davos í Sviss, en allir helstu leiðtogar heimsins í bæði stjórnmálum og viðskiptum hittast þar árlega til að ræða saman.

Mark sagði að seðlabankinn gæti brugðist við á einhvern máta, ef engir samningar næðust ekki, en það myndu svo sannarlega skapast vandamál fyrir mörg fyrirtæki í landinu ef bresk stjórnvöld ná ekki að semja áður en fresturinn rennur út. Nú þegar hafa öll helstu fjármálafyrirtæki Bretlands flutt úr landi gífurlega fjármuni til meginlands Evrópu þar sem lagaóvissan er orðin mjög mikil. Einnig hafa framleiðslufyrirtæki í Bretlandi flutt mikið af framleiðslu sinni til meginlands Evrópu.

Bretland mun yfirgefa Evrópusambandið þann 29 mars næstkomandi, hvort sem það náist samningar eður ei við sambandið.