Aðstandendur konu sem skotin var til bana af lögreglunni í Baltimore árið 2016 sá fram á að fá 38 milljónir dala, 4,5 milljarða króna, vegna dauða hennar.

Konan sem um ræðir, hin 23 ára Korryn Gaines, var skotin til bana eftir sex klukkustunda umsátur lögreglu. Aðstandendur Korryn stefndu lögreglu á þeim forsendum að lögreglumenn hefðu farið offari og dauða hennar borið að með ólögmætum hætti.

Dómstóll tók undir þetta og dæmdi lögregluna til að greiða fjölskyldunni 38 milljónir dala. Áfrýjunardómstóll sneri þeim úrskurði hins vegar við í liðinni viku og sýknaði lögreglu. Aðstandendur Korryn munu því ekki fá krónu.

Dómari í málinu, Mickey Norman, sagði að lögreglumaðurinn sem skaut Korryn, Royce Ruby, ætti að njóta friðhelgi í málinu. Vísaði hann til þess að Royce væri opinber starfsmaður og svo lengi sem hann hafi ekki brotið gegn stjórnarskrárvörðum réttindum Korryn væri ekki hægt að gera hann ábyrgan. Taldi Mickey að hann hafi ekki gert það. Þá hafi hann verið að sinna starfi sínu þegar hann skaut.