Bandaríska geimferðastofnunin NASA segir að eyjan sé ein örfárra sem hafa myndast á undanförnum árum og lifað af í meira en nokkra mánuði. Surtsey er hugsanlega þekktasta eyjan sem hefur orðið til á síðustu áratugum og lifað af lengur en nokkra mánuði.
Það kom vísindamönnum á óvart að á eyjunni er nokkuð blómlegt dýra- og plöntulíf. Hún virðist ætla að verða langlífari en talið var í fyrstu því eyðing hennar er mun hægari en ætlað var. Af þessum sökum er eyjan áhugaverð fyrir vísindamenn, eins og Surtsey, því þeir hafa tækifæri til að fylgjast með hvernig dýr og plöntur leggja nýja eyju undir sig.
Líklegt má telja að þau dýr og plöntur sem berast til eyjunnar komi frá eyjunum tveimur, sem eru nálægt henni.
Vísindamenn reikna með að eyjan hverfi á næstu 30 árum því hún er úr ösku sem harðnaði þegar hún komst í snertingu við sjóinn en ekki kviku. Af þeim sökum verður hún ekki langlíf.