Lendingunni hafði verið seinkað um marga mánuði því það reyndist snúnara en talið var í upphafi að lenda geimfarinu á hrjúfu yfirborði Ryugu.
Geimfarið á að skjóta skutli inn í yfirborð loftsteinsins til að safna sýnum úr honum sem það á að taka með sér aftur til jarðarinnar. Vísindamenn vonast til að þessi sýni geti veitt nýjar upplýsingar um uppruna jarðarinnar og sólkerfisins. Einnig er vonast til að sýnin geti veitt svör við hvernig líf hófst á jörðinni.
Talið er að töluvert sé af lífrænum efnum og vatni á Ryugu en efnin gætu verið allt að 4,6 milljarða ára gömul.
Hayabusa2 var skotið á loft í desember 2014 og kom að loftsteininum í júní á síðasta ári. Ætlunin var að lenda á honum í október en því var frestað eins og fyrr greinir. Reiknað er með að Hayabusa2 snúi aftur til jarðar, með sýnin, í árslok 2020.