fbpx
Miðvikudagur 23.janúar 2019

Annika Sörenstam kemur til Íslands í júní

Arnar Ægisson
Mánudaginn 7. maí 2018 11:33

Annika Sörenstam

Ein stærsta íþróttastjarna allra tíma kemur til Íslands í júní á þessu ári. Það er engin önnur en Annika Sörenstam frá Svíþjóð, sem var á sínum tíma í sérflokki í atvinnugolfi í kvennaflokki. Annika er 47 ára gömul og hefur sigrað á 10 risamótum á ferlinum. Hún er þriðji sigursælasti kylfingurinn á LPGA Tour með 72 sigra og 17 sigra á LET Evrópumótaröðinni, þar sem hún er þriðji sigursælasti kylfingur allar tíma. Annika hætti í keppnisgolfinu árið 2008, þá aðeins 38 ára gömul. Þetta kemur fram í nýjasta tölublaði af Golf á Íslandi sem er á leið til kylfinga sem eru skráðir í golfklúbb.

„Annika er ekki bara einn einn þekktasti kylfingur sögunnar, heldur er hún á meðal þekktustu nafna íþróttasögunnar. Til að mynda valdi ESPN íþróttatímaritið hana á meðal 20 bestu íþróttamanna veraldar á dögunum, en sá listi var gefinn út í tilefni af 20 ára afmæli íþróttarisans. Tiger Woods var efstur, en Annika var fyrst kvenna á listanum, í sjötta sætinu, á undan tenniskonunni Serenu Williams sem var næst kvenna á listanum í tólfta sæti, brasilísku knattspyrnukonunni Mörtu, körfuboltakonunni Lauren Jackson og frjálsíþróttakonunni Allyson Felix. Það er til marks um það hversu stórt nafn hún er í heimi íþróttanna,” segir Hulda Bjarnadóttir fjölmiðlakona, ein þeirra sem stendur að komu Anniku til landsins.

Annika hefur þegið boð um að koma til Íslands um miðjan júní, nánar tiltekið 10. og 11. júní. Viðburðir verða auglýstir síðar, en hún mun taka þátt í fundum og viðburðum er tengjast uppbyggingu golfíþróttarinnar hérlendis.

„Það er Anniku hjartans mál að styðja við ungar konur í íþróttinni og mun hún hitta afreksfólk okkar hérlendis, auk þess sem hún mun hitta lykilfólk golfhreyfingarinnar,” segir Hulda um tilgang komu hennar.

Annika mun einnig halda fyrirlestra um hugarfar og markmiðasetningu og deila reynslu sinni um hvernig hún hefur náð þeim árangri sem raunin er, jafnt innan sem utan vallar. Árið 2008 hætti hún sem atvinnumaður í golfi og sneri sér þá að uppbyggingu golfakademíu í eigin nafn, alþjóðlegum golfmótum í eigin nafni, viðskiptum tengdum golfvallahönnun, hönnun fatalínu og fjármálaráðgjöf til íþróttamanna og íþróttafélaga.

„Mikill heiður og lyftistöng“

„Tímasetningin er frábær og það er ljóst að golfíþróttinni er sýndur mikill heiður að eitt stærsta nafnið í íþróttinni hefur áhuga á að koma til landsins. Það sýnir okkur um leið að fylgst er með kylfingunum okkar á meðal hinna bestu. Þetta eru skemmtilegir tímar sem við erum að upplifa og verður heimsókn Anniku án efa mikil lyftistöng til framtíðar,” segir Haukur Örn Birgisson forseti Golfsambands Íslands um komu Anniku.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 10 klukkutímum

Undarleg Twitter-færsla Salah vekur athygli – Hvað á hann við?

Undarleg Twitter-færsla Salah vekur athygli – Hvað á hann við?
433
Fyrir 10 klukkutímum

Ramsey má fara í janúar ef þetta gerist

Ramsey má fara í janúar ef þetta gerist
433
Fyrir 11 klukkutímum

Stutt í að Rashford leggi skóna á hilluna? – Gæti hætt fyrir þrítugt

Stutt í að Rashford leggi skóna á hilluna? – Gæti hætt fyrir þrítugt
433
Fyrir 11 klukkutímum

Balotelli til Marseille

Balotelli til Marseille
433
Fyrir 12 klukkutímum

Bournemouth keypti varnarmann á 12 milljónir

Bournemouth keypti varnarmann á 12 milljónir
433
Fyrir 13 klukkutímum

Usain Bolt leggur skóna á hilluna

Usain Bolt leggur skóna á hilluna
Bleikt
Fyrir 13 klukkutímum

Sarah Jessica Parker aftur í hlutverk Carrie úr Sex and the City – Hefur engu gleymt

Sarah Jessica Parker aftur í hlutverk Carrie úr Sex and the City – Hefur engu gleymt
433
Fyrir 13 klukkutímum

Vonar að Tottenham næli í fyrrum leikmann City – Ættu að gleyma Carroll

Vonar að Tottenham næli í fyrrum leikmann City – Ættu að gleyma Carroll