Guðmundur Ágúst Kristjánsson, Haraldur Franklín Magnús og Andri Þór Björnsson úr Golfklúbbi Reykjavíkur, eru á meðal keppenda á Stora Hotellet Bryggan Fjällbacka Open mótinu. Leikið er á Fjällbacka Golfklubb vellinum og er mótið hluti af Nordic Tour atvinnumótaröðinni.
Guðmundur Ágúst er í toppbaráttunni en hann lék fyrsta hringinn á 67 höggum eða -4. Guðmundur Ágúst fékk alls fjóra fugla á hringnum og tapaði ekki höggi.
Haraldur Franklín lék á parinu eða 71 höggi. Hann er í 28. sæti en hann fékk tvo fugla og tvo skolla á hringnum.
Andri Þór er í 109. sæti en hann lék á +4. Andri fékk þrjár fugla og sjö skolla á hringnum.
