fbpx
Laugardagur 16.febrúar 2019

Hver er vondi kallinn?

Ritstjórn Pressunnar
Fimmtudaginn 17. janúar 2019 08:00

Ríkisútvarpið

Ekki missa af Helstu tíðindum dagsins í pósthólfið þitt

Lesa nánar

Elín Björg Ragnarsdóttir, lögmaður og  fv. framkvæmdastjóri Samtaka fiskframleiðenda og útflytjenda, skrifar grein í Morgunblaðið sem vakti mikla athygli á Kaffistofunni í morgun. Þar talar hún um að Helgi Seljan á RÚV hafi tekið við sig viðtal á fölskum forsendum. Hún hafi í janúar 2012 rætt við hann um sam­keppn­is­lega mis­mun­un í inn­lendri fisk­vinnslu og nauðsyn aðskilnaðar veiða og vinnslu.

„Þegar leið á viðtalið fjallaði ég einnig lít­il­lega um mögu­leika fyr­ir­tækja sem hefðu alla virðiskeðjuna á eig­in hendi til að taka arð af auðlind­inni út í er­lendu fyr­ir­tæki. Tók ég skýrt fram að slíkt fyr­ir­komu­lag væri lög­legt og ef menn vildu breyta þess­um leik­regl­um yrði að breyta lög­gjöf­inni. Ég gagn­rýndi því lög­gjöf­ina en ekki eitt ein­asta fyr­ir­tæki sem nýtti sér þessa glufu, þrátt fyr­ir að Helgi Selj­an hefði ít­rekað reynt að fá mig til að nefna eitt eða fleiri af stóru út­gerðarfyr­ir­tækj­un­um,“ segir Elín.

Síðan hafi viðtalið ekki birst og hún haldið að því hafi verið slaufað. Síðan í lok mars hafi hún séð sjálfa sig tala um möguleika fyrirtækja til að taka út arð í er­lendu fyr­ir­tæki í tengslum við húsleit Seðlabankans, Tollstjóra og Sérstaks saksóknara á skrifstofum Samherja.

RÚV hafði eftir Elínu árið 2012:

„Eins og við sjáum oft getur fyrirtækið líka átt erlent sölufyrirtæki og selt áfram á lágmarksverði frá fiskvinnslunni yfir í erlenda fyrirtækið – sölufyrirtækið, og tekið út arðinn af allri greininni út í erlenda fyrirtækinu. Og hvort menn eru að leika þennan leik læt ég ósagt en allavega möguleikinn er þarna til staðar. Og auðvitað ættu menn að skoða þetta.“

Elín segir að hún hafi verið slegin vegna þessa og hvorki Páll Magnússon útvarpsstjóri né Kastljós hafi svarað tölvupóstum frá henni.

„Þarna mis­notaði Kast­jós gróf­lega viðtal við mig, fleygði mér inn í harka­lega sam­fé­lagsum­ræðu án þess að ég hefði hug­mynd um það fyrr en skaðinn var skeður. Þurfti ég að auki að sæta því næstu vik­ur og mánuði að heyra glós­ur um að ég hefði bein­lín­is verið upp­hafsmaður að mál­inu með því að koma á fram­færi upp­lýs­ing­um sem leiddu til rann­sókn­ar á Sam­herja o.fl.“

Segir hún einnig að þú þegar umræðan um Seðlabankann og Samherja sé aftur komin af stað þá hafi aftur blossað upp umræðu að aðkomu sína að þessu máli, vill hún því fá síðbúna afsökunarbeiðni frá RÚV.

Einn molakaffisötrari spurði hver væri eiginlega vondi kallinn í þessu.

RÚV? Sem vissulega hefði mátt taka fram að Elín hefði ekki verið að tala um Samherja eða húsleitina.

Eða hinir? Þeir sem komu með glósurnar, sökuðu Elínu um að vera upphafsmaður málsins og sneru við henni baki.

Það kann að vera að Elín hefði ekki treyst sér til að leita til annarra fjölmiðla á sínum tíma til að koma þeim skilaboðum á framfæri að RÚV hefði tekið orð sín úr samhengi. Lítið við því að gera núna.

En. Það er hins vegar hægt að opna umræðuna um það að einhver megi ekki segja neitt, ekki einu sinni úr samhengi, um valdamikla aðila án þess að fá að heyra háðsglósur um sig og fá að upplifa útskúfun. Það er öllu alvarlegra mál.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 3 klukkutímum

Veit ekki hvort hann sé einn sá besti en er stoltur af áhuganum

Veit ekki hvort hann sé einn sá besti en er stoltur af áhuganum
433
Fyrir 3 klukkutímum

Veit af hverju Ramsey semur við Juventus

Veit af hverju Ramsey semur við Juventus
Fyrir 3 klukkutímum

Fólkið sem enginn þekkir skammað

Fólkið sem enginn þekkir skammað
Fréttir
Fyrir 3 klukkutímum

Víðtæk leit stendur yfir að Jóni Þresti í Dublin

Víðtæk leit stendur yfir að Jóni Þresti í Dublin
433
Fyrir 4 klukkutímum

Guardiola sorgmæddur því leikmaður fær lítið að spila: ,,Ég er ástæðan“

Guardiola sorgmæddur því leikmaður fær lítið að spila: ,,Ég er ástæðan“
433
Fyrir 4 klukkutímum

Veðjaði á að framherji liðsins yrði markahæstur – Þurfti að segja af sér

Veðjaði á að framherji liðsins yrði markahæstur – Þurfti að segja af sér
Eyjan
Fyrir 5 klukkutímum

Hannes spyr hvort Viðreisn sé að verða enn einn vinstri flokkurinn

Hannes spyr hvort Viðreisn sé að verða enn einn vinstri flokkurinn
Kynning
Fyrir 6 klukkutímum

250 litir: Gott orðspor er gulli betra

250 litir: Gott orðspor er gulli betra