fbpx
Sunnudagur 17.febrúar 2019

Nýjar veiðitölur – mest veiðist í Þverá og Kjarará

Gunnar Bender
Föstudaginn 6. júlí 2018 08:27

Ekki missa af Helstu tíðindum dagsins í pósthólfið þitt

Lesa nánar

Komnar eru nýjar veiðitölur á vef Landssambands Veiðifélaga. Samantektin er frá veiði í lok síðasta miðvikudags 4. júlí síðastliðinn. Eftir veiði síðustu viku er Þverá og Kjarará sem fyrr efst á listanum og eftir mjög góða veiðiviku er veiðin komin í 843 laxa. Veiðin síðast liðna viku var 391 laxar. Ef veiðin í Þverá og Kjarará er borin saman við svipaðan tíma í fyrra (05.07.17) þá höfðu alls veiðst 656 laxar og veiðin er því orðin 187 löxum meiri núna og lofar það góðu.

Í öðru sæti er Urriðafoss í Þjórsá sem er komin í alls 577 laxa, veiðin gekk mjög vel og var vikuveiðin var 186 laxar. Veiðin er orðin 142 löxum meiri en á svipuðum tíma í fyrra og má geta þess að öll þessi veiði kemur á einungis fjórar stangir.

Skammt undan í þriðja sæti er Norðurá með 557 laxa en vikuveiðin var 207 laxar og er veiðin nær lagi að vera sú sama og í fyrra.

Hér er listi yfir tíu efstu árnar þessa veiðivikuna. Í sviga fyrir aftan vikuveiði er staða veiði í fyrra 05.07.2017 og plús eða mínus eftir því hvort veiðin sé meiri eða minni en í fyrra.

1. Þverá og Kjarará 843 laxar – vikuveiði 391 laxar. (656)+

2. Urriðafoss í Þjórsá 577 laxa – vikuveiði 186 laxar. (435)+

3. Norðurá 557 laxar – vikuveiði 207 laxar. (575)-

4. Miðfjarðará 320 laxar – vikuveiði 143 laxar. (451)-

4. Haffjarðará 320 laxar – vikuveiði 167 laxar. (312)+

5. Blanda 299 laxar – vikuveiðin 124 laxar. (371)-

6. Elliðaárnar 228 laxar – vikuveiði 111 laxar. (238)-

7. Ytri-Rangá 208 laxar – vikuveiði 142 laxar. (365)-

8. Langá 196 laxar – vikuveiði 115 laxar. (331)-

9. Brennan 188 laxar – vikuveiði 87 laxar. (150)+

10. Grímsá og Tunguá 175 laxar – vikuveiði 101 laxar (233)-

Nú hafa allar ár opnað fyrir veiði þetta tímabilið að undanskildu Norðlingafljóti sem opnar 18 júlí. Eins og sést á veiðitölum á listanum okkar þá er mismunandi hvernig veiði í ám er samanborið við stöðu veiði í fyrra á svipuðum tíma. Langvarandi úrkomutíð og lágt hitastig hefur ekki beinlínis skapað kjöraðstæður til veiða og fyrir vikið fór veiði sumstaðar fremur hægt af stað og það sést vel á listanum.

En veiðin hefur verið að aukast og lofar það góðu með framhaldið. En síðan eru sumar ár með meiri veiði samanborið við síðasta veiðitímabil og jafnvel töluvert meiri veiði í sumum tilvikum.

Það verður fróðlegt að fylgjast með hvernig veiðin gengur en næstu veiðitölur verða teknar saman í lok veiði miðvikudagsins 11 júlí.

Athygli er vakin á að það er velkomið að senda inn veiðitölur úr öðrum vatnakerfum en þeim sem eru á listanum og við birtum þær hér á vefnum. Einna best er að fá veiðitölur í lok veiði miðvikudagskvölds en það gerir samanburð fróðlegri og auðveldari. Gott er að fá veiðitölu og stangarfjölda. Hægt er að senda inn veiðitölur á bjorn@angling eða hringja/senda sms í síma 852-3398.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 10 klukkutímum

City gerði fjögur í seinni og vann góðan sigur

City gerði fjögur í seinni og vann góðan sigur
433
Fyrir 10 klukkutímum

Mbappe fékk viðurkenningu fyrir að skora 100 mörk á æfingasvæðinu

Mbappe fékk viðurkenningu fyrir að skora 100 mörk á æfingasvæðinu
433
Fyrir 11 klukkutímum

Draumalið skipað leikmönnum sem mega ræða við ný félög

Draumalið skipað leikmönnum sem mega ræða við ný félög
433
Fyrir 11 klukkutímum

Hazard sá besti sem hann hefur séð

Hazard sá besti sem hann hefur séð
Matur
Fyrir 12 klukkutímum

Ketó-rétturinn sem gerir morgunmatinn enn þá betri

Ketó-rétturinn sem gerir morgunmatinn enn þá betri
Pressan
Fyrir 13 klukkutímum

Evrópskur klámiðnaður skelfur á beinunum – Bransinn nánast lamaður

Evrópskur klámiðnaður skelfur á beinunum – Bransinn nánast lamaður